Plantun de Prouvènço

Pèr coumpara dos planto d'encò nostre

Potentilla nivalis & Geranium sylvaticum

Potentilla nivalis

Rosaceae

Nom en français : Potentille des neiges.

Descripcioun :
Aquéu fragoun, emé si fueio argentado, douno d'èr à-n-uno pato-de-lioun (Alchemilla). Pamens fau bèn regarda la flour que ié sèmblo pas. Trachis en auto mountagno dins li fendasclo de roucas e li pelouso roucaiouso ounte ié flouris l'estiéu. Au nostre s'atrobo soulamen la subsp. nivalis. Lou fragoun-de-nèu èi bourrihu au contro dóu fragoun-de-Valdieri qu'èi sedous (péu contro la fueio) que vèn soulamen dins lis Aup marino. Coumpara emé lou fragoun-de-Valdieri. La planto èi marcado sus listo roujo categourìo LC, valènt à dire soucit minour.

Usanço :
Counneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 8 à 25 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Jauno
Petalo : 4
Ø (o loungour) flour : 4 à 5 mm
Flourido : Estiéu

Sòu : Si
Autour basso e auto : 1500 à 2700 m
Aparado : Noun
Juliet à avoust

Liò : Pelouso roucaiouso - Roucas
Estànci : Subaupen à Aupen
Couroulougi : Ouroufito-Sud-Ouèst-Éuroupenco
Ref. sc. : Potentilla nivalis Lapeyr., 1782

Geranion(-de-fourèst)

Geranium sylvaticum

Geraniaceae

Noms en français : Géranium des forêts, Géranium des bois.

Descripcioun :
Lou geranion-de-fourèst es uno planto proun coumuno dins lis Aup en mountagno mejano, ounte emé soun rizoumo, fai de poulìdi coulounìo. La fueio èi proun penado e decoupado e lou pecou di flour, glandoulous (fotò) .

Usanço :
Es uno bono erbo pèr li vaco.